Axuda do LibreOfficeDev 25.8
Os formularios son documentos de texto ou follas de cálculo con diferentes controis. Os formularios para páxinas web permiten ao usuario introducir datos e os envialos a través internet. Os datos procedentes dos controis dos formularios transmítense ao servidor a través dun URL. Posteriormente, o servidor pode procesar eses datos.
Especifica o nome do formulario. Ese nome utilízase para identificar o formulario no explorador de formularios.
Especifica o URL a que deben transmitirse os datos do formulario completado.
Especifica o método para transferir a información do formulario completado.
Utilizando o método "Get", os datos de cada control transmítense como variábeis de ambiente. Anéxanse ao URL coa forma "?Control1=Contido1&Control2=Contido2&...". A cadea de caracteres é analizada por un programa no servidor do destinatario.
Utilizando o método "Post", créase un documento a partir do contido do formulario enviado ao URL especificado.
Especifica o tipo de codificación da transferencia de datos.
Ao enviar un formulario téñense en conta os controis dispoñíbeis en LibreOfficeDev. Transmítense o nome do control e o valor correspondente, se está dispoñíbel.
Os valores que se transmiten en cada caso dependen do respectivo control. Nos campos de texto transmítense as entradas visíbeis, nas caixas de lista as entradas seleccionadas e nas caixas de verificación e campos de opción os valores referenciais asociados se estes campos están activados.
A forma de transmitir esta información depende do método de transferencia seleccionado (Get ou Post) e da codificación (URL ou Multipart). Se selecciona o método Get e a codificación URL, por exemplo, envíanse os pares de valores coa forma <Name>=<Value>.
LibreOfficeDev ofrece outros controis á parte dos recoñecidos en HTML. Debe terse en conta que nos campos cun formato numérico específico non se transmiten os valores visíbeis, senón os formatos predefinidos. A seguinte táboa mostra como se transmiten os datos dos controis específicos de LibreOfficeDev:
| Control | Par de valores | 
|---|---|
| Campo numérico, campo monetario | Como separador de decimais utilízase sempre un punto. | 
| Campo de data | A data envíase nun formato fixo (MM-DD-AAAA), independentemente da configuración local do usuario. | 
| Campo de hora | A hora envíase nun formato fixo (HH:MM:SS), independentemente da configuración local do usuario. | 
| Campo de patrón | Os valores dos campos de patrón envíanse como campos de texto, ou sexa, envíase o valor visíbel no formulario. | 
| Control de táboa | As columnas individuais transmítense sempre a partir do control de táboa. Envíanse o nome do control e o nome e o valor da columna. Usando o método Get con codificación URL, a transmisión realízase coa forma <Nome do control de táboa>.<Nome da columna>=<Valor>, por exemplo, se o valor depende da columna. |