Pomoc za LibreOfficeDev 25.8
Slědujuce nastajenja su k dispoziciji, gaž Tabelowy zapis ako typ zapisa wuběraśo.
Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis abo zapis literatury… – Rejtarik: Typ (gaž zapis tabelow jo wubrany typ)
Pódajśo typ a titel zapisa.
Zapódajśo titel za wubrany zapis.
Wubjeŕśo typ zapisa, kótaryž cośo zasajźiś abo wobźěłaś. Nastajenja, kótarež su k dispoziciji, wót typa zapisa wótwisuju, kótaryž wuběraśo. Jolic kursor jo w zapisu, gaž Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis a zapis literatury… wuběraśo, móžośo ten zapis wobźěłaś.
Zajźujo tomu, až se wopśimjeśe zapisa změnja. Manuelne změny, kótarež na zapisu pśewjedujośo, se zgubuju, gaž se zapis aktualizěrujo. Jolic cośo z kursorom pó šćitanem wobceŕku kulnuś, wubjeŕśo LibreOfficeDev – NastajenjaRědy – Nastajenja… – LibreOfficeDev Writer – Formatěrowańske pomocne srědki a pón kontrolny kašćik Kursor zmóžniś we wótrězku Šćitane wobceŕki.
Wubjeŕśo, lěc se ma zapis za dokument abo za aktualny kapitel napóraś.
Pódajśo informacije, kótarež se maju kombiněrowaś, aby zapis twórili.
Napórajo zapiski zapisa z objektowych pópisanjow. Aby objektoju pópisanje pśidał, wubjeŕśo objekt a pón Zasajźiś – Pópisanje….
Wubjeŕśo kategoriju pópisanja, kótaruž cośo za zapiski zapisa wužywaś.
Wubjeŕśo źěl pópisanja , kótaryž cośo w zapiskach zapisa pokazaś. Slědujuca tabela nastajenja ilustrěrujo, kótarež daju se wubraś, na zakłaźe „Wobraz 24: Słyńco“, źož „Wobraz 24“ jo se awtomatiski generěrował, gaž pópisanje jo se zasajźił, mjaztym až „Słyńco“ jo tekst pópisanja, kótaryž jo se pśidał wót wužywarja.
| Wuběrki w lisćinowem pólu Pokazanje | Zapisk zapisa | 
|---|---|
| Pokaz | Wobraz 24: Słyńco | 
| Kategorija a numer | Wobraz 24 | 
| Tekst pópisanja | Słyńco | 
Jolic „tekst pópisanja“ wuběraśo, se interpunkcija a prozne znamje na zachopjeńku pópisanja do zapiska zapisa njezapśimujotej.
Napórajo zapiski zapisa z objektowych mjenjow. Móžośo se objektowe mjenja na pśikład w Nawigatorje woglědaś a je w kontekstowem meniju změniś.